قصيده شفتك وزاد بي الولع و الشووق

((شفتك وزاد بي الولع والشوق))

شفتك وزاد بي الولع والشوق
غنيتها من ساعه اقبلتي

عيني ماقد شافت كذا مخلوق
كنش على ذوقي تشكلتي

قلتيلي اصبر بس انا المطفوق
عجلت في شوفش وعجلتي

اثر معك لي مرسل ومسبوق
عز الله انك قلتي وطلتي

عين وشفاه وعاتق منتوق
وجسمن تغطينه ولاحتلتي

الليل عن وجه القمر مفهوق
والعود مالومش الا ملتي

غصن على ساقي وفيه عذوق
وش الغريبه لو تمايلتي

لكن قبل تمشين انا مسروق
من صدري قبل شوي وش شلتي

اتلا العهد به قابضه معلوق
من ساعه اقبلتي وحولتي

ماريته خالي وفيه فتوق
رديه واعدّش تجملتي